لەسەر داوای عێراق کۆمکاری عەرەبی کۆبوونەوەیەکی بەپەلە ئەنجامدەدات
كۆمكاری عه‌ره‌بی بڕیاری دا ڕۆژی یه‌كشه‌ممه، 24ـی تشرینی دووه‌می 2024، له‌سه‌ر ئاستی نوێنه‌رانی هه‌میشه‌یی وڵاتانی ئه‌ندام كۆبوونه‌وه‌یه‌كی به‌په‌له بكات.
كۆبوونه‌وه‌كه له‌سه‌ر داوای عێراقه بۆ تاوتوێكردن و ڕووبه‌ڕووبوونه‌وه‌ی هه‌ڕه‌شه‌كانی ئیسرائیل له دژی عێراق و هێرشكردنه سه‌ر گرووپه چه‌كداره‌كان.
بە گوێرەی هەواڵێکی ڕۆژنامه‌ی (أخبار)ـی لوبنانی کە دوێنێ هه‌ینی، 22ـی تشرینی دووه‌می 2024، بڵاوی كردووه‌ته‌وه، گرووپه چه‌كداره عێراقییه‌كان ئاماده‌باشیی خۆیان بۆ وه‌ڵامدانه‌وه‌ی هه‌ر هێرشێك ڕاگه‌یاندووه و ڕه‌تیان كردووه‌ته‌وه بچنه ژێر فشاره‌كانی ئیسرائیل، كه هه‌ڕه‌شه‌ی له‌ناوبردنی ژێرخانی سیاسی و سه‌ربازی و كوشتنی سه‌ركرده كاریگه‌رییه‌كانیانی كردووه.
|