هەسەدە: سەرکەوتنی ئەمڕۆمان دەکەینە دیاری بۆ گەلەکەمان
ناوەندی ڕاگەیاندنی هەسەدە ڕایگەیاند، لە گوندەکانی باکووری بەنداوی تشرین دەیان چه‌كدار کوژراون، دەیان زرێپۆش تێک شکێندراون.
ناوەندی ڕاگەیاندنی هێزەکانی سووریای دیموکرات (هەسەدە) ڕایگەیاند، هێزەکانیان تەواوی هێرشەکانی تورکیا و چەکدارەکانیان بە پشتیوانی فڕۆکە و تۆپهاوێژەکانیان بۆ سەر گوندەکانی باشووری ڕۆژهەڵاتی منبەج و دەوروبەری بەنداوی تشرین تێکشکاندووە.
ئاماژەی بەوەشکرد، لە ئه‌نجامی تێكشكاندنی هێرشه‌كاندا، ده‌یان چه‌كدار كوژراون و ده‌یان زرێپۆش تێكشكێندراون.
هەسەدە جەختی کردەوە، دواتر زانیاری بەرفراوان و دیمەنی چالاکییەکان بۆ ڕای گشتی بڵاودەکەنەوە، دەشڵێت "هێزەکانمان گورزی بەهێزیان لە تورکیا و چەکدارەکانی داوە، ئەم سەرکەوتنە دەکەینە دیاری گەلەکەمان و بەڵێنی سەرکەوتنی گەورەتر دەدەین".
|