دەزگای ئاسایشی هەرێم: شەوی رابردوو کەس دەستگیرنەکراوە
لەسەر رووداوەکانی شەوی رابردووی سەر رێگای عەربەت سلێمانی دەزگای ئاسایشی هەرێم دەڵێت، " شەوی رابردوو شۆفێری بارهەڵگرەکان فشاریان کرد و هەوڵی تێپەڕبوونیاندا".
دەزگای ئاسایشی هەرێم لە روونکردنەوەیەکدا ئاماژەی بەوەداوە، دوای ئەوەی شەوی ڕابردوو ٢٠٢٥/٢/٢٤ لە نزیک شارۆچکەی عەربەت، بەهۆکاری ڕێگریکردن لەلایەن مامۆستایان و هاولاتیان لە تێپەڕبوونی ئوتومبیلی بارهەڵگرو مانەوەیان لەو شوێنەدا بۆماوەی دوو رۆژ سەرئەنجام شۆفێری بارهەلگرەکان فشاریان کردو هەوڵی تێپەڕبون و شکاندنی ئەو بەربەستەیان داو بووە هۆی دروستبوونی گرژی و ئاڵۆزی لەنێوانیان و چەند شوفیریک و هاوڵاتییەک بریندار بوون.
ئەوەشی راگەیاندوە: دەزگای ئاسایشی هەرێم وەک لایەنی جێبەجێکاری یاسا دەستبەجێ بەمەبەستی کۆنتڕۆڵکردنی ئەو بارودۆخە نەخوازراوە و ڕێگریکردن لە تەشەنکردنی ئاڵۆزییەکان و سەلامەتی گیانی هەموو لایەک گەیشتنە شوێنی ڕووداوەکە و ڕێکاری یاسایی گرتەبەر بۆ هێورکردنەوەی بارودۆخەکەو پاراستنی سەلامەتی گیانی هەر هاوڵاتیەک کە لە شوێنی رودانی گرژی ئاڵۆزییەکەدا بوو ،توانرا دۆخەکە کۆنترۆڵ بکرێت و پاش ئەنجامدانی ڕێکاری پێشەییانەی دەزگای ئاسایش بەرامبەر ئەو دۆخە نەخوازراوە .
دەزگای ئاسایشی هەرێم جەخت لەسەر ئەوەدەکاتەوە: لە ئیستا دا هیج کە س دە ستگیر نە کراوە و هاولاتیە بریندارە کانیش تەندروستیان باشەو نەخۆشخانەیان بەجێ هێشتوە.
|