ئەمڕۆ یەکێتی و پارتی لە پیرمام کۆدەبنەوە

کەمێک پێش ئێستا شاندی باڵای یەکێتی نیشتمانی کوردستان بۆ کۆبوونەوە لەگەڵ پارتی دیموکراتی کوردستان گەیشتە پیرمام و بڕیارە پاش کەمێکی دیکە کۆبوونەوەکان دەستپێبکەن

بەپێی زانیارییەکان کۆبوونەوەی ئەمڕۆی یەکێتی و پاتی لە ئاستی باڵادا ئەنجام دەدرێت، هەریەک لە بافڵ جەلال تاڵەبانی سەرۆکی یەکێتی نیشتمانی کوردستان و مەسعود بارزانی سەرۆکی پارتی دیموکراتی کوردستان بەشداردەبن 

لە کۆبوونەوەکەدا لەلایەنی پارتی ئەم کەسانە بەشداری دەکەن 

-    مەسعود بارزانی سەرۆکی پارتی دیموکراتی کوردستان
-    نێچیرڤان بارزانی  جێگری سەرۆکی پارتی
-    مەسرور بارزانی  جێگری سەرۆکی پارتی 
-    فازڵ میرانی بەرپرسی دەستەی کارگێری پارتی
-    ھۆشیار زێباری ئەندامی مەکتەبی سیاسی پارتی
-    مەحمود محەمەد  وتەبێژی مەکتەبی سیاسی پارتی

لە یەکێتی نیشتمانی کوردستان
-    بافڵ تاڵەبانی  سەرۆکی یەکێتی 
-    رەفعەت عەبدوڵا جێگری سەرۆکی یەکێتی
-    قوباد تاڵەبانی ئەندامی مەکتەبی سیاسی یەکێتی  
-    دەرباز کۆسرەت رەسوڵ ئەندامی مەکتەبی سیاسی یەکێتی
-    خەسرەو گوڵ محەمەد ئەندامی مەکتەبی سیاسی یەکێتی

-    نزار ئامێدی ئەندامی مەکتەبی سیاسی یەکێتی

چاوەڕوان دەکرێت کۆبوونەوەکە چەندین کێشەی هەڵپەسێردراوی نێوان هەردوو حزب یەکلا بکاتەوە و لەسەر مووچە و پرسی هەناردەکردنەوەی نەوت گفتوگۆی جدی بکرێت بۆ ئەوەی وەڵامی کۆتایی حکومەتی عێراق بدرێتەوە