دەزگای ئاسایشی هەرێم، دەستگیرکردنی باندێکی ساختەکاری ڕادەگەیەنێت
ده‌زگای ئاسایش هه‌رێم رایگه‌یاند، بەرێوەبەرایەتی ئاسایشی پارێزگای سلێمانی باندێکی 11 کەسی دەستگیرکرد، کەساختەکاری بەڵگەنامەیان ئەنجامداوە.
ده‌زگای ئاسایش هه‌رێم بڵاویكرده‌وه، بەرێوەبەرایەتی ئاسایشی پارێزگای سلێمانی،دوای بەدواداچوون و کۆکردنەوەی زانیاری وورد، بەفەرمانی دادوەری لێکۆڵینەوەی ئاسایش توانیان لەسلێمانی 11 تۆمەتبار دەستگیربکەن، کەلەماوەی ڕابردوودا ساختەکارییان لەدروستکردنی بەڵگەنامە و پشتگیری فەرمانگەی حکومی (کفالە)کردووە.
لەئێستادا سەرجەم تۆمەتباران بە ماددەکانی (٢٨٩-٢٩٧)لەیاسای سزادانی عێراقی ڕاگیراون و لێکۆڵینەوە لە دۆسیەکانیان بەردەوامە.
|