حکومەتی سوریا پرۆسەی هەڵبژاردنی پەرلەمان لە سێ پارێزگا دوادەخات
لیژنەی باڵای هەڵبژاردنەکانی ئەنجومەنی گەلی سوریا رایگەیاند، بەهۆی بارودۆخی ئەمنییەوە، هەڵبژاردن لە پارێزگای سوەیدا، حەسەکە و رەققە بۆ کاتێکی نادیار دواخرا.
وتەبێژی لیژنەی باڵای هەڵبژاردنەکان بە ئاژانسی فەرمیی سووریا "سانا"ـی راگەیاند، "لە پێناو دڵنیابوون لە نوێنەرایەتیی دادپەروەرانە بۆ سێ پارێزگای سوەیدا لە باشوور، حەسەکە و رەققە لە باکووری رۆژهەڵات، هەروەها بە لەبەرچاوگرتنی ئەو ئاڵنگارییە ئەمنییانەی رووبەڕووی ئەم پارێزگایانە بوونەتەوە، لیژنەی باڵا بڕیاریدا پرۆسەی هەڵبژاردن لەم پارێزگایانە دوابخات، تاوەکو بارودۆخێکی گونجاو و ژینگەیەکی ئارام بۆ ئەنجامدانی دابین دەکرێت".
وتەبێژی لیژنەی باڵای هەڵبژاردنەکان روونیکردەوە کە پشکی ئەو سێ پارێزگایە لە کورسییەکان پارێزراو دەبێت تاوەکو هەڵبژاردن لە نزیکترین کاتدا ئەنجام دەدرێت، بەڵام هیچ وادەیەکی دیارینەکرد.
|