نهێنییەکانی لالەزار؛ هێزێکی سەدان کەسی لەژێر ناوی ئەنجومەنی ئاسایشی هەرێم بە ئاگاداریی بەرپرسانی هەولێر
میدیای فەرمی یەکێتی بڵاویکردەوە، پیلانێکی سەربازیی ورد بۆ ئەنجامدانی کودەتا لە سنووری پارێزگای سلێمانی ئامادە کرابوو، کە ئامانجی سەرەکیی تیرۆرکردنی سەرۆک بافڵ جەلال تاڵەبانی، سەرۆکی یەکێتیی نیشتمانیی کوردستان بووە.
هێزێکی 400 کەسی لەژێر ناوی "ئەنجومەنی ئاسایشی هەرێمی کوردستان" و بە ئاگاداریی بەرپرسانی هەولێر دروست کراوە. ئەم هێزە، کە بە چەکی قورس، فڕۆکەی بێفڕۆکەوانی خۆکوژ، نیشانەشکێنی بە ئەزموون پڕچەک کرابوو، بڕیاربووە سەرەتا بافڵ تاڵەبانی بە ئامانجبگرن و لە نێو سلێمانیدا تیرۆری بکەن، پاشان دەست بەسەر دامەزراوە رەسمییەکانی سلێمانی، هەڵەبجە، گەرمیان و راپەڕیندا بگرن.
هاوکات، پلانی هێرشکردنە سەر ماڵی قوباد تاڵەبانی، جێگری سەرۆک وەزیرانی هەرێم لە هەولێریش، دانرابوو.
ئەم جووڵەیە وەک کودەتایەکی سەربازی دژی دامەزراوە شەرعییەکانی هەرێم و هێزە ئەمنییەکان لە سنوورەکە وەسف کراوە، کە لە قۆناغی کۆتایی جێبەجێکردندا پووچەڵ کراوەتەوە.
|