سودانی لەبارەی بەقاچاغبردنی نەوت لیـژنەیەکی لێکۆڵینەوە پێکدەهێنێت
نوسینگەی راگەیاندنی سەرۆكوەزیرانی عێراق بڵاویکردەوە، محەمەد شیاع سودانی سەرۆكوەزیرانی عیراق فەرمانیدا بە دروستكردنی لیژنەیەكی باڵای لێكۆڵینەوە سەبارەت بە گومانەكانی بەقاچاغبردنی نەوتی عێراق.
ئاماژە بەوەشدەکات، لیژنەكە لە لایەنە باڵاو تایبەتمەندەكان پێكدێت و لێكۆڵینەوە لەو زانیارییانە دەكات كە باس لە بەقاچاغبردنی نەوتی خاو و بەرهەمە نەوتییەكانی عێراق دەكەن، چ لەرێگەی تێكەڵكردنەوە بێت یاخود بەقاچاغبردنی چ لە بەندەرەكانی عێراقەوە بێت یاخود لەناو ئاوە هەرێمایەتییەكاندا.
دوای تەواوكردنی كارەكەی، لیژنەكە راسپاردەی خۆی پێشكەشی ئەنجومەنی وەزیران دەكات بەمەبەستی گرتنەبەری رێكاری پێویست.
|