هاوپەیمانان بنكەیەكی سەربازیی پێشكەوتوویان ڕادەستی سوپای عێراق كردەوە

هاوپەیمانی نێودەوڵەتی لە عێراق بنكەیەكی پێشكەوتووی تایبەت بە ڕاهێنانی لە باشوری بەغدا ڕادەستی هێزە عێراقییەكان كرد، دوای ئەوەی دوێنی هەینی روبەروی هێرشی موشەك و كاتیۆشا بۆوە .

لە بەیاننامەیەكدا هاوپەیمانی نێودەوڵەتی ئەمڕۆ شەممە ڕایگەیاند، لە چوارچێوەی پلانەكانیان كە بەهەماهەنگی لەگەڵ حكومەتی عێراق ماوەیەكی دوورودرێژە كاری لەسەر دەكەن، بنكەیەكی سەربازی "بسمایە"ی باشوری بەغدای ڕادەستی هێزە عێراقییەكان كردووە .

هاوپەیمانی نێودەوڵەتی ئاماژەی بەوەشكردووە، ئەو هێزەی لەو بنكە سەربازییە بووە لە ماوەی چەند ڕۆژی داهاتوودا عێراق جێدەهێڵت .

بنكەی سەربازیی بسمایە دەكەوێتە باشوری بەغداوە و لەلایەن هێزەكانی ئیسپانیا و ئەمریكا و بەریتاینا و كەنەدا و ئوسترالیا و پرتوگالەوە  بەكارهێنراوە بۆر ِاهێنان بە هێزە عێراقییەكان لەسەر چۆێنتی بەكارهێنانی تانك و ڕاهێنان و تەقەكردن .

دوێنی هەینی سوپای عێراق لە بەیاننامەیەكدا بڵاویكردەوە، چوار موشەكی كاتیۆشا لەناو سەربازگەی بەسمایەی باشوری بەغدا كەوتووەتەوە، جگە لە زیانی مادی هیچ زیانێكی گیانی بەدواوە نەبووە .