بافڵ جەلال تاڵەبانی و محەمەد حەلبووسی کۆبوونەوە
بافڵ جەلال تاڵەبانی، سەرۆکی یەکێتیی نیشتمانیی کوردستان و محەمەد حەلبووسی، سەرۆکی حیزبی تەقەدوم لە بەغداد کۆبوونەوە.
لە کۆبوونەوەکەدا کە نزار ئامێدی، ئەندامی مەکتەبی سیاسیی یەکێتی و د. خالید شوانی، وەزیری دادی عیراق بەشداربوون، جەخت لە هەماهەنگی نێوان سەرجەم لایەنەکان بۆ سەرخستنی پرۆسەی سیاسی و پێکهێنانی حکومەتێکی بەهێز کرایەوە.
سەرۆک بافڵ دیدگای یەکێتی بۆ حکومەتی داهاتووی عیراق ڕوونکردەوە و وتی، دەبێت توانای چارەسەرکردنی ڕیشەیی کێشەکانی هەبێت و پابەندبێت بە پاراستنی مافە دەستوورییەکانی هاونیشتمانییان.
|