ئیسرائیل لەسەر هێرشکردنە سەر گەڕەکە کوردییەکانی حەلەب هۆشداری دەدات
دوای ئەوەی ماوەی دوو رۆژە چەکدارەکانی حکومەتی سەریا ھێرشیان بۆسەر گەڕەکە کوردییەکانی حەلەب دەستپێکردوە، ئیسرائیل ھاتە دەنگ و وەزیری دەرەوەی ئیسرائیل رایگەیاند، " ھێرشکردنە سەر گەڕەکە کوردییەکانی حەلەب مەترسیدارە ".
گیدۆن سەعر وەزیری دەرەوەی ئیسرائیل رایگەیاند، ھێرشکردنە سەر گەڕەکە کوردییەکانی حەلەب لەلایەن ھێزەکانی حکومەتی سوریاوە کارێکی مەترسیدارە و نابێت وڵاتانی رۆژئاوا بێدەنگ بن.
ئاماژەی بەوەشدا، کۆمەڵگەی نێودەوڵەتی بەگشتی قەرزاری گەلی کوردن، بەرانبەر ئەو بە ئازایەتی و سەرکەوتنەی کە دژی داعش جەنگان.
وەزیری دەرەوەی ئیسرائیل ئاماژەی بەوەشدا، سەرکوتکردنی بەرنامە بۆ داڕێژراو و کوشندەی کەمینە جیاوازەکان لە سوریا، پێچەوانەی ئەو بەڵێنانەیە کە بۆ 'سوریای نوێ' درابوون، جەختیکردەوە کە بێدەنگیی جیھان دەبێتە ھۆی پەرەسەندنی زیاتری توندوتیژییەکانی رژێمی سوریا.
|