هەسەدە: هیچ چالاکییەکی سەربازیمان لە ناوچەی تەلکۆچەر نەبووە
ناوەندی راگەیاندنی هێزەکانی سوریای دیموکرات 'هەسەدە' رایگەیاند، "بە تووندی ئەو بانگەشانەی وەزیری بەرگریی سوریا رەتدەکەینەوە لەوەی هێرشمان کردبێتە سەر کۆگایەکی تەقەمەنی لە ناوچەی تەلکۆچەر- یەعروبییە".
ئاماژە بەوەکراوە، "جەخت دەکەینەوە لەوەی هیزەکانمان هیچ چالاکییەکی سەربازییان لەو ناوچەیەدا نەکردووە و بەگوێرەی ئەو زانیاریانە پشتڕاستکراوانەی پێمان گەیشتووە، تەقینەوەکە لە کاتی گواستنەوەی تەقەمەنی لەلایەن گرووپەکانی سەر بە دیمەشقەوە ڕووی داوە و هێزەکانی ئێمە بە هیچ جۆرێک پەیوەندییان بەو تەقینەوەوە نییە".
|