دەزگای ئاسایشی هەرێم کەتیبەی پێنجی سەلمانی فارسی هەڵوەشاندەوە

دەزگای ئاسایشی هەرێم، هەڵوەشاندنەوەی گرووپێکی مەترسیداری چەکداری داعش بەناوی(کەتیبەی پێنجی سەلمانی فارسی) سەربە ویلایەتی کوردستان ڕادەگەیەنێت.

بەڕێوەبەرایەتی گشتی ئۆپراسیۆنەکانی ئاسایش بەهەماهەنگی دەزگای ئاسایشی نیشتمانی عێراق، لەسەر بنەمای زانیاری هەواڵگری و ئەنجامی لێکۆڵینەوەکان لەڕۆژی ٢٠٢٥/١٢/٨ تا ٢٠٢٦/٢/٩ توانییان، چەند ئۆپراسیۆنیک بۆ دەستگیرکردنی تیرۆریستان لەسنووری (هەڵەبجە، سەیدسادق،پێنجوێن، گەرمیان، دیالە) ئەنجام بدەن.

پیلانی چەکدارانی داعش " کەتیبەی پێنجی سەلمانی فارسی"، سەر بە ویلایەتی کوردستان:

-خۆ ڕێکخستنەوە و درووستکردنی گرووپی تیرۆریستی 
-درووستکردنی شوێنی مانەوە (المچافە)
-گواستنەوەی چەکدارانی داعش لەوڵاتانی دراوسێ بۆ کوردستان و خوارووی عێراق.

دەزگای ئاسایش ئاماژەی بەوەشداوە، لەکۆی ئەم چالاکییەدا ( ١ ) یەک کارمەندی دەزگای ئاسایشی هەرێم برینداربوو و توانرا ( ١٠ ) تی.رۆر.یست دەستگیربکرێت و دەستیشگیرا بەسەر ( ٨ چەک و ١ دەمانچە و ٢ بۆمبی دەستی و ماددەی تەقینەوە لەجۆری سیفۆر و دوربین و پشتێنی خۆکوژی ) .

لە کۆتایی راگەیەندراوەکەیدا دەزگای ئاسایشی ئەوەشی رونکردوەتەوە کە، لەئێستادا سەرجەم تیرۆریستان بە ماددەی( ٤ ) تیرۆر، ڕاگیراون و لێکۆڵینەوە لە دۆسییەکانیان بەردەوامە.