دەزگای ئاسایشی هەرێم: هەردوو بکوژی هاوڵاتییەکەی شاری سلێمانی دەستگیرکران

دەزگای ئاسایسی هەرێم دەستگیرکردنی دوو بکوژی لە سنوری سلێمانی راگەیاند کە لەماوەی 24 کاتژمێری رابردوو تاوانەکەیان ئەنجام دابوو

بەڕێوەبەرایەتی گشتی ئاسایشی پارێزگای سلێمانی لە رونکردنەوەیەکدا دەڵێت، لەدوای بەدواداچوون و لێکۆڵینەوەی بەردەوام توانیان بکوژی سەرەکی و هاوکارەکەی لەئەنجامدانی تاوانی کوشتنی هاوڵاتی (محەمەد ئەحمەد حەمەئەمین)ناسراو بە محەمەد مەلای مامە گەورەی پێنجوێنی دەستگیربکەن.

ئاماژەی بەوەشداوە، تۆمەتباران بەماددەی(٤٠٦) لەیاسای سزادانی عێراقی راگیراون و لێکۆڵینەوە لەدۆسیەکە بەردەوامە.