ژووری ئۆپەراسیۆنی هەولێر: بەهۆی پابەندنەبوون بەرێنماییە تەندروستییەکان 72 شوێن داخران
هەولێر
ژووری ئۆپەراسیۆنی پارێزگای هەولێر رایگەیاند، بەهۆی پابەندنەبوون بەرێنماییە تەندروستییەکانەوە 72 شوێنیان لە سنوری پارێزگاکە داخستووە.
ژووری ئۆپەراسیۆنی پارێزگای هەولێر لە ڕاگەیەندراوێکدا بڵاویکردەوە، ئەمرۆ پێنجشەممە ١١ی٦ی٢٠٢٠، لەلایەن لێژنەکانی چاودێری و تەندروستی بەدواداچوون و پشکنین بۆ چەندین شوێن کراوە.
ئاماژەی بەوەشکرد، دوای پشکنینەکان و بەهۆی پابەندنەبوون بەرێنماییە تەندروستییەکان و ڕێکارەکانی خۆپارێزی لە ڤایرۆسی کۆرۆنا، لەسنووری هەر ١٠ قایمقامیەتەکەی پارێزگای هەولێر، ٧٢ شوێن داخراون .
ژووری ئۆپەراسیۆنی پارێزگای هەولێر داواشیکرد، لە پێناو پارێزگاریکردن لە تەندروستی گشتی و رێگەگرتن لە بڵاوبوونەوەی ڤایرۆسی کۆرۆنا، هاوڵاتیان و کاسبکاران پابەندی ڕینماییە تەندروستییەکان بن و بەپێی رێکارەکانی خۆپارێزی لە ڤایرۆسی کۆرۆنا دەمامک و دەستکێش ببەستن.
|