لە سلێمانى خزمەتگوزاریەکانى نەخۆشخانەى منداڵانی فێرکاری راگیرا
بەهۆى مانگرتنى پزیشاکانەوە نەخۆشخانەى منداڵانی فێرکاری لە سلێمانی خزمەتگوزاریەکانى راگرت
نەخۆشخانەی دكتۆر جمال ئەحمەد ڕەشیدی منداڵانی فێركاری ئاگاداری هاوڵاتیان دەكاتەوە، بەهۆی مانگرتنی پزیشكانەوە سەردانیان نەكەن و ناتوانن وەك پێویست خزمەتگوزاری تەندروستی پێشكەش بكەن .
لەئاگادارینامەیەكدا نەخۆشخانەی دكتۆر جمال ئەحمەد ڕەشیدی منداڵانی فێركاری رایگەیاندوە، لە ئێستادا بەهۆی مانگرتنی پزیشكانی نیشتەجێی دێرین و پزیشكانی خولاو لە نەخۆشخانەی دكتۆر جمال ئەحمەد ڕەشیدی منداڵانی فێركاری لە سلێمانی ناتوانین خزمەتگوزاری وەك پێویست پێشكەش بكەین .
ئەوەشی خستوەتەڕوو، بەداخەوە ناچارن بڵێین تكایە تا مانگرتنی ئەو پزیشكانە كۆتایی دێت سەردانی نەخۆشخانەكەیان مەكەن بۆ چارەسەركردنی منداڵەكانتان .
جەختیشیكردوەتەوە، لەوانەیە لەنەبوونی ئەو پزیشكانە دەوامی نەخۆشحانە پەكی بكەوێت و لەوانەیە ژیانی منداڵەكانتان بكەوێتە مەترسیەوە.
|