ئەو ڤاكسینانەی دژی كۆرۆنا بەرهەمهاتوون بەرگری لەش كەمتر لە 20% بەرز دەكەنەوە
رێكخراوی تەندروستی جیهانی لەبارەی ئەو ڤاكسینانەی تا ئێستا لە جیهاندا لە دژی كۆرۆنا بەرهەم هاتوون رایگەیاند بەرگری لەش تەنها 10% بۆ 20% زیاد دەكات ئەوەش جێی دڵخۆشی نیە.
مایكڵ رەیان، بەڕێوەبەری رەوشە لەناكاوەكان لە رێكخراوی تەندروستی جیهانی رایگەیاند: جیهان هێشتا نەیتوانیوە ڤاكسینێكی كارا پەرەپێدات كە بتوانێت بەرگری تەواوەتی لە دژی كۆرۆنا لە جەستەی مرۆڤ دروستبكات.
ئەو لە ڤیدیۆ كۆنفڕانسێكدا وتیشی: دەبێت ڤاكسینی كارا بتوانێت لایەنیكەم بە رێژەی 70% دژەتەن لە جەستەی مرۆڤ دروستبكات، بەڵام ئەو ڤاكسینانەی تا ئێٍتا بەرهەمهاتوون بەگوێرەی لێكۆڵینەوەكان بە نزیكەی 10% بۆ 20% دژە تەن لە جەستەی مرۆڤ دروستدەكەن.
ئەوەش دوای ئەوەهات كە هەریەكە لە وڵاتانی چین و رووسیا بەرهەمهێنانی ڤاكسینیان راگەیاند و لە زانكۆی ئۆكسفۆردیش ڤاكسینێك كاری لەسەر دەكرێت بەڵام تا ئێستا بە فەرمی دەستكردن بە بەرهەمهێنانی رانەگەیەندراوە.
|