وەزیری تەندروستی: تا ئێستا 1483 چاكبوەوەی كۆرۆنا پلازمایان بەخشیوە
وەزیری تەندروستی حكومەتی هەرێمی كوردستان رایگەیاند تا ئێستا زیاتر لە دووو هەزار تووشبووی كۆرۆنا پلازمای خوێنی چاكبووەوەكانی كۆرۆنایان وەرگرتووە.
سامان بەرزنجی، رایگەیاند: دوای دوو جار بانگەوازی وەزارەتی تەندروستی بۆ ئەو نەخۆشانەی لە كۆرۆنا كە چاكبوونەتەوە بۆ بەخشینی پلازما، هەزار و 483 هاوڵاتی پلازمایان بەخشیوە.
وەزیری تەندروستی ئەوەشی راگەیاند، تا ئێستا دوو هەزار 67 نەخۆشی كۆرۆنا پلازمای خوێنی نەخۆشانی چاكبووی كۆرۆنایان وەرگرتووە.
تا ئێستا لە هەرێمی كوردستان 24 هەزار و 794 كەس تووشی ڤایرۆسی كۆرۆنا بوون، لە نێویاندا 903 كەس گیانیان لەدەستداوە و 14 هەزار و 885 كەسیش چاكبوونەتەوە.
|