دوای 99 ڕۆژ قارەمان شوکری ڕۆژنامەنووس بەکەفالەت ئازادکرا
دوای تیپەڕبوونی ٩٩ ڕۆژ بەسەر دەستگیر کردنیدا، ئێوارەی ئەمڕۆ قارەمان شوکری ڕۆژنامەنووس و چالاکی مەدەنی لە لایەن دادگاوە بە کەفالەت ئازاد کرا.
قارەمان شوکری چالاکوانی ئازادکرا و بە تۆڕی هەواڵی ژیانی ڕاگەیاند "کاتژمێر ٣ی سەر لە ئێوارەی ئەمڕۆ بە کەفالەتی ١٠ ملیۆن دیناری ئازادکراوم و ١٩ ی ئەم مانگەش لەبەردەم دادوەر ئامادەدەبم" .
قارەمان شوکری ئاماژەی بەوەشکرد، ٩٩ ڕۆژ پێش ئێستا بەهۆی بەشداریکردنی لە خۆپێشاندانەکانی ناحیەی شیلادزێ لەدژی لەشکرکێشی و بوردوومانەکانی تورکیا بۆسەر ناوچەکە لەلایەن هێزە هەمنیەکانەوە دەستگیرکرا.
ڕوونیشیکردەوە، دوای دەستگیرکردنی لەلایەن کەسێکەوە سکاڵای لەسەری تۆمارکراوە لەسەر بابەتێک کە قارەمان ڕەتیکردەوە زانیاری زیاتر لەو بارەیەوە بخاتەڕوو.
|