چاکبونەوەی ترەمپ لە کۆرۆنا 100 هەزار دۆلاری تێچووە
رۆژنامەی نیویۆرک تایمز بڵاویکردوە بڕی تێچوونی چاکبونەوەی دۆناڵد ترەمپ لە کۆرۆنا 100 هەزار دۆلار بووە.
رۆژنامەکە لە بەدواداچونێکدا ئاشکرایکردوە گواستنەوەی ترەمپ بە هەلیکۆپتەر بۆ نەخۆشخانەکە و دواتر گەڕانەوەی بە فڕۆکە 40 هەزار دۆلاری تێچووە.
ئاشکراشیکردوە ترەمپ کاتێک لە نەخۆشخانەبووە ژمارەیەکی زۆر پشکنینی بۆ کراوە و ئۆکسجینی بۆ بەکارهێندراوە.
رۆژنامە ئاماژەی بەوەشکردوە سەرجەم تێچوونی چارەسەرەکانی زیاتر لە 100 هەزار دۆلار بووە کە دەکاتە (10 دەفتەر).
ئەوە لەکاتێکدایە هەفتەی ڕابردوو دۆناڵد ترەمپ و هاوسەرەکەی توشی کۆرۆنا بوون و دواتر ترەمپ گواسترایەوە بۆ نەخۆشخانەیەکی سەربازی پاش مانەوەی بۆ ماوەی سێ رۆژ گەڕایەوە بۆ کوشکی سپی.
|