کازمی: ملکەچی هیچ توندرەوییەکی ئاینی و مەزهەبی نەتەوەییەک نابین
مستەفا کازمی سەرۆک وەزیرانی عێراق ڕایگەیاند، وڵاتەکەی بە هیچ شێوەیەک ملکەچی توندرەوەکانی داعش و گروپە تاوانکارییەکانی هیچ ئاین و مەهەب و نەتەوەیەک نابێت.
لە ئاهەنگێکدا کە وەقفی سونی لە بەغدا بەبۆنەی ڕۆژی لە دایکبوونی پێغەمبەری ئیسلام محەمەدەوە سازکرابوو، سەرۆک وەزیرانی عێراق ڕایگەیاند، عێراق پێویستی بە بەها و ڕەوشتەکانی پێغەمبەر محەمەدە، بۆ ئەوەی بتوانێت قەیرانە سیاسی و ئابوری و کۆمەڵایەتییەکانی تێپەڕێنێت.
کازمی جەختیکردەوە، ڕێگە نادەن بە گەرانەوەی توندڕەوی و نەزانی و خۆ بەدێوکردن، چونکە هەرکەسێک بیەوێت بەرژەوەندیی و هەژموونی خۆی بسەپێنێت بەسەر عێراقییەکاندا بە ناوی جیاجیاوە، ڕێگە نادەن ئەوە ڕووبدات، مادامەکی کاردەکەن بۆ بنیاتنانی دەوڵەتێکی بەهێز و دادپەروەر، کە بەهۆی ئایین و مەزهەب و نەتەوەوە جیاوازی نەکات لە نێوان ڕۆڵەکانیدا.
لە بەشێکی تری وتەکانیدا سەرۆک وەزیرانی عێراق روونیکردەوە، هەموو عێراقین و ملکەچ ناکەن بۆ داعش و گروپە تاوانییەکارییەکانی هیچ ئایین و نەتەوە و مەزهەبێک.
|