سێ کەس بە تۆمەتی تەقەکردن لە تەکیەی کەسنەزانی دەستگیرکران

27/11/2020
فۆتۆ: 

هەفتەی پێشوو لەلایەن سێ کەسەوە تەقە لە تەکیەی کەسنەزانی کراوە و لەسەر روداوەکە سێ کەس گیراوە.

د.هەژار شێخ محەمەد ئەندامی ئەنجومەنی رۆشنبیری کەسنەزانی لە کۆنفرانسێکی رۆژنامەوانیدا ئاشکرایکرد ئەوان سکاڵایان کردوە و کەسەکان دەناسنەوە.

هەروەها وتی ئەمشەویش لە نزیک تەکیەکە دوبارە تەقە کراوەتەوە بەڵام ئەوەی ئەمشەو پەیوەندی بە ئێمەوە نیە و نازاندرێت چۆن بووە و وردەکاری نازانین.

وتیشی بەهۆی روداوەکەی ئەمشەوەوە بەڕێوەبەری پۆلیسی سلێمانی سەردانی تەکیەی کەسنەزانی کردوە و کامێرا چاودێریەکانیان بردوە و بەدواداچونی بۆ دەکەن.

وتیشی لە چەند رۆژی داهاتوو ئاشکرادەبێت ئەو کەسانەی کە هەفتەی پێشوو تەقەیان کردوە و ئەوان دەزانن سەر کێن و بۆچی ئەو کارەیان کردوە.

وتیشی شێخ نەهرۆ هیچ شتێکی تایبەتی لەگەڵ هیچ کەسێکدا نیە بۆیە ئەوەی رویداوە بابەتێکی گشتییە نەک تایبەتی.