پەرلەمانی کوردستان لەسەر چەند تەوەرێک کۆدەبێتەوە
سەرۆکی پەرلەمانی کوردستان داوا لە ئەندامانی پەرلەمان دەکات رۆژی دووشەممە کاتژمێر یانزەی بەیانی لە کۆبونەوەی پەرلەمانی کوردستان ئامادەبن.
بەپێی بەرنامەی کاری کۆبونەوەکە چەند پرۆژە یاسایەک خوێندنەوەی یەکەمی بۆ دەکرێت و دیاردەی کۆچی گەنجانیش بە ئامادەبوونی وەزیرانی پەیوەندیدار تاوتوێ دەکرێت.
هەروەها بیرۆکەی پەرلەمانتارێک لەبارەی رەخساندنی هەلی کار لە کوردستان دەخرێتە ڕوو و دواتر کۆتایی بەدانیشتنەکە دەهێندرێت.
ئەو پرۆژە یاسایانەی خوێندنەوەی یەکەمی بۆ دەکرێت بریتین لە پێشنیازه‌یاسای په‌روه‌رده‌و خوێندن له‌هه‌رێمی كوردستان-عێراق و پێشنیازه‌یاسای هه‌موارى یه‌كه‌می زانكۆ تایبه‌ته‌كان له‌هه‌رێمی كوردستان-عێراق .
|