وەزیری تەندروستی عێراق: وەرگرتنی ڤاکسینی کۆرۆنا ئارەزومەندانەیە
حەسەن تەمیمی وەزیری تەندروستی عێراق ڕایگەیاند وەرگرتنی ڤاکسینی کۆرۆنا لەلایەن هاوڵاتیانەوە ئارەزومەندانەیە.
لە لێدوانێکدا بۆ رۆژنامەی سەباحی عێراقی وەزیری تەندروستی ئاماژەی بەوەشکردوە رێکەوتنیان لەگەڵ کۆمپانیای فایزەر کردوە و لە سەرەتای بەهار ڤاکسین دەگاتە عێراق.
وتیشی لێژنەیەکیان پێکهێناوە بۆسەرپەرشتیکردن و هێنانی ڤاکسینەکە و دابەشکردنی بەسەر شارەکاندا.
حەسەن تەمیمی ڕاشیگەیاندوە لە سەرەتادا کارمەندانی وەزارەتی تەندروستی و ئەوکەسانەی تەمەنیان لەسەرو 50 ساڵەوەیە و ئەندامانی هێزە ئەمنیەکان ڤاکسینەکەیان پێ دەدرێت.
ئەوە لەکاتێکدایە دوێنی دەستەی نیشتیمانی چاودێری دەرمانی عێراق ڕەزامەندی لەسەر بەکارهێنانی ڤاکسینی کۆمپانیای فایزەر دەربڕی.
|