بایدن پزیشکێکی لوبنانی وەک سەرپەرشتیاری هەڵمەتی کوتان دژی کۆرۆنا دیاریکرد

31/12/2020
فۆتۆ: 

جۆ بایدن سەرۆکی هەڵبژێردراوی ئەمریکا دکتۆر بەشار شوقەیری پزیشکی لوبنانی وەک سەرپەرشتیاری هەڵمەتی کوتان دژی کۆرۆنا لە ئەمریکا دیاریکرد.

میدیاکانی لوبنان بڵاویانکردوە بەشار شوقەیر زانکۆی ئەمریکی لەلوبنان تەواوکردوە و چەند ساڵێکە لە ئەمریکا نیشتەجێیە.

ئەو پزیشکە پسپۆڕی پزیشکی خێزانییە، وەک کۆمیساری تەندروستی گشتی لە ویلایەتی شیکاگۆ کاری کردووە و پسپۆڕە لە بەرزکردنەوەی توانای دەستگەیشتن بە چاودێری تەندروستی.

هەروەها ئەو پزیشکە لوبنانییە لە ئەمریکا چەندین خەڵاتی بەدەستهێناوە و لە ساڵی 2019 دا بە یەکێک لە 50 کاریگەرترین کەسەکانی بواری تەندروستی لەلایەن کۆمپانیای مۆدێرنەوە دیاریکراوە.

ئەوە لەکاتێکدایە دەزگای خۆراک و دەرمانی ئەمریکا لەماوەی ڕابردوو رەزامەندی لەسەر بەکارهێنانی ڤاکسینی کۆمپانیای فایزەر و ڤاکسینی کۆمپانیای مۆدێرنا دەربڕی و لە ئێستادا ئەو دوو ڤاکسینە لەناوخۆی ئەمریکا بەکاردەهێندرێت.