لە تەقینەوەی بۆمبێکدا لە داقوق ئەفسەرێک ودوو سەربازی عێراق کوژران
لەئەنجامی تەقینەوەی بۆمبێکی چێنراو بەکاروانێکی هێزەکانی سوپای عێڕاقی لەسنوری قەزای داقوق، ئەفسەرێک ودوو سەرباز گیانیان لەدەستدا.
بەپێی ڕاگەیانراوێکی سوپا لە کەرکوک ڕوداوەکە لەنێوان ھەردوو گوندی قەھارە و خاشە لە باشوری قەزای داقوق بووە، کاتێک ئۆتومبیلێکی فەوجی دووی لیوای 45ی فیرقەی 11ی سوپای عێراق بەو شوێنەدا تێپەڕیووە، بۆمبێکی چێنراو پێیدا تەقیوەتەوە.
ئەو سێ کوژراوەش دوو سەرباز و ئەفسەرێکە بە پلەی موڵازم، دوای تەقینەوەکەش بەشێک لە هێزەکانی سوپا لەناوچەی تەقینەوەکە بڵاوەی پێ کراوە.
دۆسیەی ئەمنی داقوق لەئەستۆی پۆلیسی فیدڕاڵی وسوپایه وناوبەناو لەلایەن چەکدارانی داعشەوە بەئامانج دەگیرێن.
|