بەرپرسی لقی پارتی لەشنگال: هیچ خاڵێكی ڕێکەوتنەکە جێبەجێنەکراوە
بەرپرسی لقی پارتی دیموکراتی کوردستان لە شنگال ڕایگەیاند هیچ خاڵێکی رێکەوتنەکەی هەرێم و عێراق لەسەر شنگاڵ جێ بەجێنەکراوە و رەوشەکە خراپتربووە.
قادر قاچاخ بەرپرسی لقی پارتی لە شنگال بە ماڵپەری فەرمی حزبەکەی ڕاگەیاندوە دۆخی شنگال زۆر زۆر خراپە و تا ئێستا هیچ شتێك بە ناوی رێككەوتنەوە بوونی نییە، چونكە نە پەكەكە دەركراوە و نە حەشدیش چووەتە دەرەوە.
دەشڵێت ئێستا بارەگای پۆلیسی شنگال لە دەست پەكەكەدایە، ئەوانەی دەڵێن دەركراون، هیچ راست نییە و حكومەتی عیراقیش خۆی هەڵدەخەڵەتێنێ، ئەوانە تەنیا جلوبەرگیان گۆڕیوە و تا ئێستاش لە شنگالن .
بەرپرسی لقی شنگال ئاماژەی بەوەشکردوە "لەجیاتی ئەوەی ئەو هێزانە دەربكەن، هێز و گرووپ و میلیشیای تر هاتوونەتە شنگال، كەواتە دەتوانین بڵێین تا ئێستا هیچ شتێك لە رێككەوتنەكە جێبەجێ نەكراوە ".
ئەوە لەکاتێکدایە لەماوەی ڕابردوو رێکەوتنێک لەنێوان حکومەتی هەرێم و عێراق لەسەر دۆخی شنگال کرا، رێکەوتنەکەش کاردانەوەی زۆری لێکەوتەوە
|