شیعری نوێی هەورامی

حوسەین وەفایی

گەورە شار

هنوو من بۆ

یا

دەگایە وەشڵێ

لاپاڵوو ڕۆخانەی

یا

تاقە یانەو سەروو یۆ جە تەپە سەوزەکاو بەهەشتی

ئەر تۆم نەبی

وێرانەن یانەم

٭٭٭

دیایت

پاسە مەسم کەرۆ

سەرەم سڕ مەنەن

چەنی؟

حوکموو حەرامیش نەدٚریان !

...

...

کێ ماچۆ گرانین؟

قیمەتوو ماچێش

ئایروو دووزەخین

چینەی هەرزانتەر؟؟؟

...

...

بەنی ئێسرائیل

دەروێشی تۆبەکار بێ

ئەگەر

کۆو تووری

خاڵەو کونجوو لچاو تۆش بیایا

...

...

خۆ پێغەممەرێ گرد ئامێ و

نبووەت تەمامیاششش

چاڵەو کوپیش

وەختوو خوەی

موعجزەی جیامەنەو کام پێغەمەرین؟

*

زەمانە خراو مەی چەنیم

وێرەگاو پایزی و پیاڵیە چای دەسیش کام لای وێران کەرۆ

٭

ریازی ماچۆ

عەدەدوو بێ کۆتایی گەورەتەرینەن

بەڵام وەختیە

وەشەسیایی تۆم ئژمارا پەنەش

حەر فرە وردی بێ