خوێندنی 1ی بنەڕەتی هەتا 11 ئامادەیی لەیەکی ئازار دەستپێدەکەنەوە

لیژنەی باڵای ڕووبەڕووبونەوەی کۆرۆنا بڕیاریدا لە رۆژی شەممەی داهاتوو خوێندنی خوێندکارانی پۆلی 12 دەستپێبکاتەوە و بگەڕێنەوە بۆ پۆلەکانی خوێندن.

جوتیار عادل وتەبێژی حکومەتی هەرێم ڕایگەیاند لە کۆبونەوەی لیژنەکەدا بڕیاردراوە رۆژی 2 ی شوبات دوبارە کۆبونەوە بکرێت و ئەگەر دۆخەکە رێگەبدات لەرۆژی یەکی سێ پرۆسەی خوێندنی سەرجەم قۆناغەکان دەستپێبکاتەوە.

وتیشی وەزارەتی پەروەردە پلانی تایبەتی خۆی هەیە و لە چەند رۆژی داهاتوودا پلانەکە ئاشکرادەکات بۆ ئەوەی خوێندکاران و مامۆستایان بەرچاویان رونبێت.

وتەبێژی حکومەتی هەرێم ڕاشیگەیاند بڕیاردان لەسەر دەستپێکردنەوەی قۆناغەکانی خوێندن لەسەر راپۆرتی وەزارەتی تەندروستییە.