پارتی بەجیا لەگەڵ یەکێتی و گۆڕان کۆدەبێتەوە

14/01/2021
فۆتۆ: 

ئەمڕۆ وەفدێکی باڵای پارتی دیموکراتی کوردستان لە شاری هەولێر سەردانی یەکێتی نیشتیمانی کوردستان دەکات و کۆدەبنەوە.

هەروەها کاتژمێر دووی پاشنیوەڕۆش وەفدەکەی پارتی سەردانی بزوتنەوەی گۆڕان دەکات.

سەعدی ئەحمەد پیرە ئەندامی مەکتەبی سیاسی یەکێتی بە تۆڕی هەواڵی ژیانی ڕاگەیاند لە کۆبونەوەیان لەگەڵ پارتی تاوتوێی هەڵبژاردنی پێشوەختەی عێراق  و قەیرانەکانی هەرێم و چەند بابەتێکی نێوان هەردوولا دەکرێت.

ئەوە لەکاتێکدایە چەند رۆژێکە پارتی زنجیرەیەک سەردانی بۆ لای لایەنە سیاسیەکان دەستپێکردوە  و دوێنیش لە شاری هەولێر سەردانی هەریەکە لە بزوتنەوەی ئیسلامی و حزبی شیوعی کرد.