داعش بەرپرسیارێتی خۆی لە تەقینەوەکانی بەغدا ڕاگەیاند

رێکخراوی داعش لە هەژماری فەرمی خۆی بەرپرسیارێتی لە تەقینەوەکانی دوێنی بەغدا ڕاگەیاند و ناسنامەی خۆ کوژەکانیشی ئاشكراکرد.

رێکخراوی داعش ڕایگەیاندوە ئەو کەسانەی خۆیان تەقاندۆتەوە یەکێکیان ناوی ئەبوو یوسف ئەنسارییە و ئەوەی دیکەش ناوی محمەد عارف موهاجیرە.

بەپێی ئامارەکانی وەزارەتی تەندروستی عێراق لە تەقینەوەکاندا 32 کەس کوژران و زیاتر لە 110 کەسیش برینداربوون.

تەقینەوەکان کاردانەوەی زۆری ناوخۆی و دەرەکی لێکەوتەوە و مستەفا کازمی سەرۆک وەزیرانی عێراق کۆبونەوەیەکی بەپەلەی لەگەڵ فەرماندە سەربازی و هەواڵگرییەکان ئەنجامدا و بڕیاریدا چەند گۆڕانکارییەک بکرێت.

یەکێک لە بڕیارەکانی سەرۆک وەزیران لابردنی فەرماندەی ئۆپراسیۆنەکانی بە‌غدابوو لە پۆستەکەی و دانانی لیوا روکن ئەحمەد سەلیم لە شوێنەکەی.

هەروەها هەریەکە لە بەڕێوەبەری هەواڵگری و ڕووبەڕووبونەوەی تیرۆر لە وەزارەتی ناوخۆ و فەرماندەی پۆلیسی فیدراڵی لە پۆستەکانیان دورخستەوە.

هاوکات مستەفا کازمی فەرمانی بە وەزیری ناوخۆ کردوە کە بریکاری وەزارەت بۆ کاروباری هەواڵگری لە پۆستەکەی لابدات و کەسیکی دیکە دیاریبکات.  

#ISIS claims responsibility for today's twin suicide bombing that killed at least 32 civilians and wounded more than 100 others at a #Baghdad outdoor market, saying they targeted Shiites. #Iraq pic.twitter.com/Gyb8wxebqz

— Sinan S. Mahmoud (@sinansm) January 21, 2021