عێراق ئۆپراسیۆنی "تۆڵەی شەهیدان"ی دەستپێكرد
بە سەرپەرشتی فەرماندەی گشتی هێزە چەكدارەكانی عێراق، ئۆپراسیۆنی "تۆڵەی شەهیدان" لەمڕۆوە دەستی پێكرد ئامانج پاشماوەكانی رێكخراوی داعشە.
دەزگای دژە تیرۆرس عێراقی رایگەیاند، ئەمڕۆ هەینی بە فەرمان و سەرپەرشتی مستەفا كازمی، فەرماندەی گشتی هێزە چەكدارەكانی عێراق، ئۆپراسیۆنی "تۆڵەی شەهیدان" دەستیپێكردووە بە ئامانجی پاككردنەوەی پاشماوەكانی رێكخراوی چەكداری داعشە.
لە راگەیەندراوێكی دژەتیرۆردا ئەوەشهاتووە، ئۆپەراسیۆنەكە پشتبەستووە بە چەندین زانیاری وردی هەواڵگری و فەرمانی دادوەر بۆ دەستگیركردنی ژمارەیەك كەس، تا ئێستاش لە ناوچەكانی بەغدا و ناوچەی بابلموعەزەم و ئەنبار و عامریە و فەلوجە و كەركوك ژمارەیەك تۆمەتبار دەستگیركراون.
دوای تەقینەوەكانی دوێنێ بەغدا فەرماندەی گشتی هێزە چەكدارەكان ژمارەیەك بەرپرسی ئەمنی و سەربازی لە پۆستەكانیان دوورخستەوە و ئەمڕۆش ئۆپراسیۆنەكەی دەستپێكردووە.
|