لە ئیدارەی راپەڕین 15 گومانلێكراوی ماددەی هۆشبەر دەستگیركران
ئاسایشی راپەڕین دەستگیركردنی 15 تۆمەتباری بەهۆی ماددە هۆشبەرەكان راگەیاند و دەشڵێت بەشێكیان دانیان بە تاوانەكەیاندا ناوە.
لە راگەیەندراوێكدا كە كۆپیەكی بۆ (تۆڕی هەواڵی ژیان) نێدراوە بەڕێوەبەرایەتی ئاسایشی راپەرین رایگەیاند: لەدوو چالاكی جیاوازدا هێزەكانمان لەیاریدەدەرێتی ئاسایشی قەلادزێ و بەهاوكاری بنكەی ئاسایشی ژاراوە15 گومانلێكراویان دەستگیركردووە.
ئاسایش ئەوەی روونكردووەتەوە دەستگیركردنەكان بە فەرمانی دادوەر بووە و بەپێی ماددە (١/١٤) و (٢/١٤) لە یاسای ماددە هۆشبەرەكان بووە.
هرەچەندە وردەكاری دەستگیركردنەكانی بڵاو نەكردووەتەوە بەڵام ئاماژە بەوە دەكات هەندێك لەتۆمەتباران لەكاتی لێكۆڵینەوەدا دانیان ناوە بەتاوانەكانیاندا.
|