هەپەگە: تورکیا بە شکستخواردوویی لە چیای گارە کشایەوە
هێزەکانی پاراستنی گەل سەر بە پەکەکە وردەکاری شەڕی چوار رۆژەی چیای گارەی بڵاوکردەوە و دەڵێت سوپای تورکیا بەشکستخواردووی کشاوەتەوە.
هەپەگە لە ڕاگەیەندراوێکدا ئاماژەی بەوەکردوە لە رۆژانی 13 و 14 مانگدا زیاتر لە 46 جار لەلایەن فڕۆکەکانی تورکیاوە ناوچەکە بۆردومانکراوە.
هەپەگە ئاشکراشیکردوە گەریلاکان توانیویانە هەلیکۆپتەرێکی کوبرای تورکیا وەشێندرا و هەلیکۆپتەرەکانی دیکەش ناوچەکەیان جێهێشتووە.
ئاماژەی بەوەشکردوە دوێنی کاتژمێری سێی پاشنێوەڕۆ هێزەکانی گەریلا بە فڕۆکەی درۆن دوو چالاکیان ئەنجامداوە و زیانی زۆریان لە سوپای تورکیا داوە.
هەپەگە دەشڵێت ئەو هێزەی هاتبوو بۆ سەر چیای گارە گوایە یەکینە هەڵبژێردراوەکانی سوپای تورکیان،بەڵام گورزی گەورەیان بەرکەوت و شکستیان هێنا.
ئەوە لەکاتێکدایە بەیانی ئەمڕۆ وەزیری بەرگری تورکیا کۆتایهاتنی ئۆپراسیۆنی چنگی هەڵۆی دووی بۆ سەرچیای گارە ڕاگەیاند
|