گۆڕان: بەحزبیکردنی سەکۆی دادگاکان دۆخی هەرێم بەرەو ئاڵۆزی زیاتر دەبات 16/02/2021 فۆتۆ: هەولێر بزوتنەوەی گۆڕان راگەیەندراوێکی سەبارەت بە دادگاییکردنی گیراوانی بادینان بڵاوکردەوە و رایگەیاند، ئەو کارەی ئەو سزادراوانەی پێ تۆمەتبار کراون بەهیچ جۆرێک لەگەڵ سەپاندنی جۆری سزاکانیان یەکناگرێتەوە، دەشڵێت، بەسیاسیکردن و بەحیزبیکردنی سەکۆی دادگاکان دۆخی هەرێم بەرەو قەیران و ئاڵۆزی زیاتر دەبات. دەقی راگەیەندراوەکەی بزوتنەوەی گۆڕان: پەیوەندیدار بە کەیسی دەستگیرکراوەکانی بادینان، بۆ هەموو لایەکی ئاشکرادەکات؛ کە بڕیاری سزادانی (شەش) چالاکوانی بادینان، بەپێی یاسای ژمارە (21)ی ساڵی (2003) بەتۆمەتی هەوڵدان بۆ تێکدانی ئاسایشی نەتەوەیی، هەنگاوێکی مەترسیدارو پێشهاتێکی ناجۆری دەسەڵاتە دەرهەق بە چالاکوان و ئازادیخوازانی بادینان . لە رەهەندی یاساییەوە، ئەو کارەی ئەو سزادراوانەی پێ تۆمەتبار کراون بەهیچ جۆرێک لەگەڵ سەپاندنی جۆری سزاکانیان یەکناگرێتەوە، هەربۆیە ئەم هەنگاوە وەک پەیامێکی مەترسیدار دەبینین بەرامبەر سەروەری یاسا و ئازادییە گشتیەکان لەلایەک و، ژیان و جوڵەی هاوڵاتیانی هەرێمی کوردستان بە گشتی و، چالاکوان و دەنگی ئازاد بە تایبەتی . ئێمە لە بزوتنەوەی گۆڕان، دووبارە و دووپاتی دەکەینەوە، بە سیاسیکردن و بە حیزبیکردنی سەکۆی دادگاکان و قەڵەمی دادپەروەری؛ دۆخی هەرێم بەرەو قەیران و ئاڵۆزی زیاتر دەبات، هەر لەو روانگەیەوە، لە ڕابردوو و لە ئێستاشدا؛ پشتیوانی سەرسەختی سەربەخۆیی دەسەڵاتی دادوەری و، بەرگریکاری فراوانبونی مەوداکانی ئازادی رادەربڕین بوین . ئەم بڕوابونەش، بە کردار لە هەنگاوە سیاسیەکانمان رەنگی داوەتەوە، وەک چۆن بە بەردەوام سەرۆکی فراکسیۆنی گۆڕان لەپەرلەمانی کوردستان و ئەندامانی ئامادەییان هەبوە لە کەیسی دادگایکردنەکەی ئەو چالاکوانانەی بادینان لە شاری هەولێر و پشتگیری حەق و سەروەری یاسا بون . بزوتنەوەی گۆڕان ١٦ی شوباتی ٢٠٢١

گۆڕان: بەحزبیکردنی سەکۆی دادگاکان دۆخی هەرێم بەرەو ئاڵۆزی زیاتر دەبات

16/02/2021

فۆتۆ:

هەولێر

بزوتنەوەی گۆڕان راگەیەندراوێکی سەبارەت بە دادگاییکردنی گیراوانی بادینان بڵاوکردەوە و رایگەیاند، ئەو کارەی ئەو سزادراوانەی پێ تۆمەتبار کراون بەهیچ جۆرێک لەگەڵ سەپاندنی جۆری سزاکانیان یەکناگرێتەوە، دەشڵێت، بەسیاسیکردن و بەحیزبیکردنی سەکۆی دادگاکان دۆخی هەرێم بەرەو قەیران و ئاڵۆزی زیاتر دەبات.

دەقی راگەیەندراوەکەی بزوتنەوەی گۆڕان:

پەیوەندیدار بە کەیسی دەستگیرکراوەکانی بادینان، بۆ هەموو لایەکی ئاشکرادەکات؛ کە بڕیاری سزادانی (شەش) چالاکوانی بادینان، بەپێی یاسای ژمارە (21)ی ساڵی (2003) بەتۆمەتی هەوڵدان بۆ تێکدانی ئاسایشی نەتەوەیی، هەنگاوێکی مەترسیدارو پێشهاتێکی ناجۆری دەسەڵاتە دەرهەق بە چالاکوان و ئازادیخوازانی بادینان .

لە رەهەندی یاساییەوە، ئەو کارەی ئەو سزادراوانەی پێ تۆمەتبار کراون بەهیچ جۆرێک لەگەڵ سەپاندنی جۆری سزاکانیان یەکناگرێتەوە، هەربۆیە ئەم هەنگاوە وەک پەیامێکی مەترسیدار دەبینین بەرامبەر سەروەری یاسا و ئازادییە گشتیەکان لەلایەک و، ژیان و جوڵەی هاوڵاتیانی هەرێمی کوردستان بە گشتی و، چالاکوان و دەنگی ئازاد بە تایبەتی .

ئێمە لە بزوتنەوەی گۆڕان، دووبارە و دووپاتی دەکەینەوە، بە سیاسیکردن و بە حیزبیکردنی سەکۆی دادگاکان و قەڵەمی دادپەروەری؛ دۆخی هەرێم بەرەو قەیران و ئاڵۆزی زیاتر دەبات، هەر لەو روانگەیەوە، لە ڕابردوو و لە ئێستاشدا؛ پشتیوانی سەرسەختی سەربەخۆیی دەسەڵاتی دادوەری و، بەرگریکاری فراوانبونی مەوداکانی ئازادی رادەربڕین بوین .

ئەم بڕوابونەش، بە کردار لە هەنگاوە سیاسیەکانمان رەنگی داوەتەوە، وەک چۆن بە بەردەوام سەرۆکی فراکسیۆنی گۆڕان لەپەرلەمانی کوردستان و ئەندامانی ئامادەییان هەبوە لە کەیسی دادگایکردنەکەی ئەو چالاکوانانەی بادینان لە شاری هەولێر و پشتگیری حەق و سەروەری یاسا بون .

بزوتنەوەی گۆڕان

١٦ی شوباتی ٢٠٢١