کۆمیتەی پارێزگاری لە رۆژنامەنوسان: دادگاییکردنی شێروان شێروانی و هاوڕێکانی نادادپەروەرانە بوو
هەولێر
کۆمیتەی پارێزگاری لە رۆژنامەنوسان لەسەر سزادانی گیراوانی بادینان هاتەدەنگ و رایگەیاند، بڕیاری دادگای هەولێر بۆ سزادانی شێروان شێروانی و هاوڕێکانی نادادپەروەرانە بووە.
کۆمیتەی پارێزگاری لە رۆژنامەنوسان (CPJ ) لە بەیاننامەیەکدا بڵاویکردەوە، بڕیارەکەی ئەمڕۆی دادگای کەتنی هەولێر بۆ سزادانی شێروان ئەمین شێروانی و گۆهدار زێباری نەتەنها نادادپەروانە بوو، بەڵکو سەلمێنەری ئەو راستییە بوو کە حکومەتی هەرێمی کوردستان رێز بۆ ئازادی رۆژنامەوانی دانانێت".
ئاماژەی بەوەشکرد، پێویستە بەرپرسانی هەرێمی کوردستان بەزووترین کات شێروان شێروانی و هاوڕێکانی ئازاد بکەن و کۆتایی بە ئەشکەنجەدان و فشارخستنەسەر میدیاکاران و رۆژنامەنوسان بهێنن.
شایەنی باسە ئەمڕۆ سێشەممە ١٦ی٢ی٢٠٢١، دادگاییکردنی بەشێك لە گیراوانی بادینان لە دادگای کەتنی هەولێر بەڕێوەچوو و دادوەر هەریەکە لە شێروان شێروانی، شڤان سەعید، گۆهدار زێباری، هاریوان عیسا و ئەیاز کەرەمی بە شەش ساڵ زیندانی حکومدا.
|