داهاتی نەوتی عێراق لەمانگی ڕابردوودا زیاتر لە نیوملیار دۆلار زیادی کردوە
وەزارەتی نەوت داهاتی مانگی ڕابردووی فرۆشتنی نەوتی ئاشکراکرد و دەردەکەوێت داهاتەکە زیاتر لە نیو ملیار دۆلار زیادی کردوە.
وەزارەتی نەوتی عێراق لەبەیاننامەیەکدا ڕایگەیاندوە تێکڕای داهاتی مانگی ڕابردوو 4 ملیار و 765 ملیۆن دۆلار بووە بەوەش دەردەکەوێت داهاتە زیاتر لە نیو ملیار زیادی کردوە.
ئاماژەی بەوەشکردوە مانگی ڕابردوو 88 ملیۆن و 922 هەزار و 697 بەرمیل نەوت فرۆشراوە.
وەزارەتی نەوتی عێراق ڕاشیگەیاندوە مانگی ڕابردوو بەرمیلێک نەوت بە 53 دۆلار و نیو فرۆشراوە.
وەزارەتی نەوت ئاشکراشیکردوە 85 ملیۆن بەرمیل لە کێڵگەکانی ناوەڕاست و باشور دەرهێندراوە و سێ ملیۆن بەرمیلیش لە کێڵگەکانی کەرکوک دەرهێندراوە.
ئەوە لەکاتێکدایە چەند هەفتەیەکە نرخی نەوت بە شێوەیەکی بەرچاو بەرزبوەتەوە و ئەمڕۆ دوای 13 مانگ نرخی نەوتی برێنت 65 دۆلاری تێپەڕاند.
|