باڵیۆزخانەی ئەمریکا لەسەر سزادانی گیراوانی بادینان هاتە دەنگ

باڵێۆزخانەی ئەمریکا لە بەغدا ڕاگەیەندراوێکی لەسەر سزادانی پێنج لە رۆژنامەنوسان و چالاکانی بادینان بڵاوکردەوە و دەڵێت بە وردی چاودێری دەستگیرکردن و پاشان دادگایکردنەکانی ئەم دواییەی ڕۆژنامەنووسان و چالاکوانانمان کردووە

باڵیۆزخانەی ئەمریکا ڕاشیگەیاندوە ویلایەتە یەکگرتووەکان دەربارەی پرسی ئازادیی ڕادەربڕین و لەو نێوەندەشدا ئازادی بۆ ڕاگەیاندکاران، بەردەوام لە پەیوەندیدا بووە لەگەڵ بەرپرسانی حکومەتی هەرێم و بەردەوامیش دەبێت لەسەری.

دەشڵێت کۆمەڵگە دیموکراتەکان ڕێز لە ئازادی ڕادەربڕین دەگرن و پشتگیری لە رۆژنامەنوسان دەکەن کەبەبێ ترس ڕاپۆرت ئامادەبکەن.

ئەوە لەکاتێکدایە رۆژی 16 ی شوبات دادگای هەولێر سزای شەش ساڵ زیندانی بەسەر پێنج لە رۆژنامەنوس و چالاکانی مەدەنی بادیناندا سەپاند و بڕیارەکەش کاردانەوەی زۆری ناوخۆی و دەرەوەی لێکەوتەوە.