لە دهۆک جۆرە کێکێک بینراوە کە حەبی تێدابووە
دهۆک
لەناو مارکێتێکی شاری دهۆک جۆرە کێکێک بینراوە کە حەبی تێدابووە.
ئەڤراز دهۆکی خاوەنی مارکێتەکە بە تۆڕی هەواڵی ژیانی ڕاگەیاند، ئێوارەی ئەمڕۆ چوارشەممە ٢٤ی٢ی٢٠٢١، قوتابیەک هاتە مارکێتەکە و کێکێکی کڕی و هەر لەناو مارکێتەکەدا کردیەوە و دوایش دای بە من و وتی، "ئەوە حەبێکی تێدایە".
ئاماژەی بەوەشکرد، پاش ئەو رووداوە چەند کێکێکی دیکەم تاقیکردەوە لەو جۆرە، هەر یەکەو حەبێکی تێدابوو، هەربۆیە ڕاستەوخۆ پەیوەندیمکرد بە ئاسایش و لیژنەکانی تەندروستییەوە.
خاوەن مارکێتەکە راشیگەیاند، کێکەکە ئێرانییە و لەنێو بازاڕی دهۆکدا زۆرە و پێویستە بەزووترین کات تیمەکانی تەندروستی و لیژنەکانی چاودێری دەست بەسەر ئەو جۆرە کێکەدا بگرن و ڕێگە بە فرۆشتنی نەدەن.
|