بریکاری سیستانی تووشی کۆرۆنا بووە
سەرچاوەیەکی نزیک لە ئەحمەد سافی بریکاری عەلی سیستانی مەرجەعی باڵای شیعەکانی عێراق ڕایگەیاند، سافی تووشی کۆرۆنا بووە.
بەگوێرەی ئەو سەرچاوەیە کە بە میدیا عێراقییەکانی ڕاگەیاندووە، هەردوو ناوەندی پیرۆزی حوسەینیە و عەباسییە پشتڕاستی کردووەتەوە، دوای ئەنجامدانی پشکینینی پێویست، دەرکەوتوو ئەحمەد سافی بریکاری سیستانی تووشی کۆرۆنا بووە.
سەرچاوەکە ئاماژەی بەوەشکرد، لە ئێستادا ئەحمەد سافی تەندروستی جێگیرە و داواشی لە عێراقییەکان کردووە پابەندی ڕێنماییەکان بن و هیوای تەندروستی باشی بۆ هەموان خواست.
ئەوەش لە کاتێکدایە ماوەی زیاتر لە ٣ هەفتەیە تووشبوون بە کۆرۆنا بەشێوەیەکی بەرچاو ڕووی لە بەرزبوونەوە کردووە و ڕۆژانەش لە زیادبووندایە.
|