تەقینەوەکە لە کەنیسەیەکی ئیندۆنیزیادا ڕووداوە و کوژراو هەیە
لە ئەنجامی تەقینەوەی بۆمبێک لە کەنیسەیەکی کاسۆلیکیدا لە شاری ماکاساری ئیندۆنزیا ژمارەیەک کوژران و بریندار بوون.
پۆلیسی ئەو وڵاتە ڕایگەیاند، سەر لە بەیانی ئەمڕۆ تەقینەوەکە روویداوە و نوێژخوێنانی کەنیستە لە ژورەوەدا بوون کاتێک تەقینەوەکە ڕوویداوە.
وتەبێژی پۆلیسی ئیندۆنیزیا بە ئاژانسی هەواڵی ڕۆیتەرزی ڕاگەیاندووە، چەند کەسێک بەرکەوتوون و لاشەی هەندێک لە شوێنی تەقینەوەکە بینراوە، بەڵام تا ئیستا نازانرێت ئەو کوژراوانە لاشەی پارچە پارچە بووی خۆکوژە یان هاوڵاتی مەدەنین و بە کاریگەریی تەقینەوەکە وایان لێ هاتووە.
بە گوێرەی هەواڵ تەقینەوەکە زیانی بە ئوتۆمبێلەکانی نزیک کەنیسەکەش گەیاندووە، دوای ڕوداوەکەش هێزەکانی پۆلیس ناوچەکەیان گەمارۆداوە و ڕێگەیان نەداوە کەس نزیک بێتەوە.
|