نرخی نەوت لە بازاڕەکانی جیهان دابەزی
بەهۆی کردنەوەی کەناڵی سوێس، نرخی نەوت لە بازاڕەکانی جیهان تاڕادەیەک دابەزی.
بەپێی داتای بۆرسەکانی جیهان، ئەمڕۆ دووشەممە ٢٩ی٣ی٢٠٢١، هەر بەرمیلێک نەوتی خاوی برنت بە ٦٣ دۆلار و ٢٨ سەنت مامەڵەی پێوەدەکرێت.
هاوکات نرخی هەر بەرمیلێک نەوتی خاوی ئەمریکاش بە نزیکەی ٥٩ دۆلار و ٧٨ سەنت دیاریکراوە.
هەفتەی ڕابردوو بەهۆی کەومی خواستەوە لەسەر نەوتی خاو، نرخی نەوت چەند دۆلارێک دابەزی، بەڵام لە ماوەی دوو ڕۆژی ڕابردوودا بەهۆی داخستنی نۆکەندی سوێسەوە لە لایەن کەشتی (ئێڤەرگیڤن) ی ژاپۆنی، کە نزیکەی ١٢%ی جموجوڵی بازرگانی جیهانی پەکخستبوو، تاڕادەیەک نرخی نەوت لە بازاڕەکانی وزەدا بەرزبووەوە.
بەڵام ئەمڕۆ بە ڕزگاربوونی کەشتییەکە لە کەناڵی سوێس، جارێکی تر نرخی نەوت دابەزینی بەخۆیەوە بینی.
|