تەندروستی عێراق: زیاتر لە 6600 کەسی دیکە تووشی کۆرۆنا بوون
وەزارەتی تەندروستی و ژینگەی عێراق ڕایگەیاند، لە ٢٤ کاتژمێری ڕابردوودا ٦٦٦٤ کەسی دیکە تووشی کۆرۆنا بوون و ٣٧ کەسیش گیانیان لەدەستداوە.
وەزارەتی تەندروستی و ژینگەی عێراق لە راگەیەندراوێکدا بڵاویکردەوە، لە دوێنێوە تا ئەمڕۆ ٤٢١٠ کەس لە ڤایرۆسەکە چاکبوونەتەوە و گەڕاونەتەوە.
بە گوێرەی داتا و زانیاییەکانی وەزارەتی تەندروستی و ژینگەی عێراق، لە ئێستادا ڕێژەی چاکبوونەوە لە کۆرۆنا هاتووەتە خوارەوە بۆ ٨٩.٣%ی کۆی تووشبوان، لە کاتێکدا دوو مانگ لەمەوبەر ڕێژەی چاکبوونەوەی ڕۆژانە ٩٦%ی کۆی تووشبوان بووە.
لەوەتەی کۆرۆنا لە عێراق بڵاوبووەتەوە، تائێستا ٨٥٠ هەزار و ٩٢٤ کەس تووشی ڤایرۆسەکە بوون، لەو ژمارەیەش ٧٥٩ هەزار و ٥٦٠ کەس چاکبوونەتەوە.
تا ئیستا بەهۆی ڤایرۆسی کۆرۆناوە ١٤٣٢٣ کەس گیانیان لەدەستداوە.
|