وه‌سیه‌ت
سه‌باح ڕه‌نجده‌ر
كوڕه نۆبه‌ره‌كه‌م شیعر
ئه‌گه‌ر شێر بمخوات
گه‌رمایی خوێنم به‌لالێویه‌وه ده‌مێنێته‌وه
ناسینه‌وه‌ی مه‌رد ئاسانه
ئه‌گه‌ریش چه‌قه‌ڵی قوونگیراو بمخوات
خوێنم به‌لالێویه‌وه نامێنێته‌وه
چاو مه‌سووڕێنه
هه‌زار و یه‌ك ڕێی ڕۆشن ده‌كرێنه‌وه
هه‌وێنی دڵ بگره‌وه و جریوه و جووكه‌ی و دێڕ هه‌ڵمژه
گه‌ڕه‌كه جوانه‌كان داوات لێ ده‌كه‌ن بچیته ناویان و چه‌تریان هه‌ڵده‌ی
نالی و
گۆران و
ئه‌نوه‌ر قادر محه‌مه‌د بكوژه
لۆكه‌ت نه‌خستووه‌ته گه‌رووی هیچ گۆرانیبێژێكه‌وه
شاعیری پاشخاپه‌رۆك و قۆپیه‌چی و نانی نانیش
له كاتی كڕنووشدا مردن
16/3/2021 هه‌ولێر
|