مارادۆنا: فەڵەستین لە دڵمدایە و من فەڵەستینیم


دیگۆ ئەرماندۆ مارادۆنا، ئەستێرەی مێژووی تۆپی پێ، سەرۆكایەتی یانەیەكی وەرگرت و دەیەوێت ئەو یانەیە بكاتە خاوەنی نازناوی وڵاتەكەی.

دوێنێ میدیاكانی جهان هەواڵی رۆشتنی مارادۆنای ئەستێرەی مێژوویی تۆپی پێی ئەرجەنتینی بۆ وڵاتنی بیلا روسیا بڵا, كردەوە كە بە مەبەستی سەرۆكایەتی یانەیەكی ئەو وڵاتە چووە. 

مارادۆنا وەك سەرۆكی یانەی دینامۆ بریستی بیلا روسیا، بۆ ماوەی سێ  ساڵ دیاری كرا، ئەم یانەیە بەهۆی نەبونی پارەوە هەرەسی هێناوە، لە یەكەم لێدوانیدا وەك سەرۆكی یانەكە رایگەیاند: هیواخوازم ئەلیكسندەر لوكاشینكۆی سەرۆكی ووڵاتی بیلاروسیا، ببێتە هاندەری یانەكەی، هەرچەندە پێشتر هیچ نازناوێكی وڵاتەكەی نەبردووەتەوە، بەڵام لە ئێستادا سەرمایەدارێكی ئیماراتی یانەكەی كڕیوەتەوە.

تادێت مارادۆنا لەگەڵ كەسایەتی و سەركردەی وڵاتانی عەرەبی نێوانی خۆش دەبێت، لە دیدارێكیدا لە كاتی یاریەكانی مۆندیالدا مارادۆنا بە مەحمود عەباس، سەرۆكی فەڵەستینی وت: من فەڵەستینیم، فەڵەستین لە دڵمدایە. 
ئەو ئەستێرەیەی ئەرجەنتین ئەو لێدوانەشی لەبارەی فەڵەستینەوە ئەوەندەی تر لەلای كەسایەتیە عەربەكان خۆشەویستی كردووە، بۆیە سەرمایەدارە عەرەبەكەی كە یانەكەی بیلا روسیای كڕیوەتەوە مارادۆنای بۆ ماوەی سێ سال كردووەتە سەرۆكی یانەكە.