فە‌رماندەیەكی پۆلیسی فیدراڵی لە كەركوك بە تەقینەوە گیانیلەدەستدا


روداوەكە كاتژمێر 10ەو نیوی شەوی رابردوو 16ی تەمووز لە نزیك گوندی ئەلبو نەجم رویدا لە سنوری حەفتەغار لە خۆرئاوای داقوق.

سەرچاوەیەك كە لێپرسراوێتی هەیە‌ لە هێزەكانی پۆلیسی فیدراڵی لە داقوق، بە (كەركوك ناو)ی وت "بۆمبەكە لەسەر رێگای ئۆتۆمبێلەكانی چێنرابوو، لەگەڵ تەقینەوەیدا رائید مالك عەبدولغەفار فەرماندەی فەوجی یەكی پۆلیسی فیدراڵی گیانیلەدەستداو چوار لە پاسەوانەكانی تری برینداربون".

سەرچاوەیەك لە نەخۆشخانەی داقوق، بە (كەركوك ناو)ی وت"تەرمی كەسێك هێنراوەتە نەخۆشخانەكە لەگەڵ چوار برینداری تر".

دۆخی ئەمنی دەوروبەری قەزای داقوق 44كم باشوری كەركوك ئارام نییە، ناوبەناو هێرشی چەكداریی دەكرێتە سەر هاوڵاتیان و هێزە ئەمنییەكان، هەروەها بۆمبی چێنراو لەسەر رێگاكانی هاتوچۆ بەتایبەت لە گوندەكان دەچێنرێت و دەتەقنەوە.