هەفتەی داهاتوو مامۆستایان موچە وەردەگرن


بەگوێرەی وتەی سەرچاوەیەك لە وەزارەتی دارایی بۆ (تۆڕی هەواڵی ژیان) ئاشكرای كرد لە كۆتایی ئەم هەفتەیەدا واتە   رۆژی پێنج چەممە بڕیارە لیستێكی نوێی موچە بڵاو بكرێتەوە.

ئەو سەرچاوەیە زانیاری نەبوو لەبارەی بونی موچەی خانەنشینان لەو لیستەدا بەڵام ئەوەی وت كە سەرجەم وەزارەتەكان لە لیستەكەدا هەیە، راشیگەیاند لە هەفتەی داهاتوودا مامۆستایان موچەكانیان وەردەگرن. 

ئەو لیستەی موچە لەدوای گەیشتنی ئەو پارەیە هات كە حكومەتی ناوەندی مانگانە رەوانەی هەرێمی كوردستانی دەكات بۆ پێدانی موچە، بەشێك لە وەزارەتەكان ئێستا لیستی موچەی مانگی نیسانیان بڵاو نەكراوەتەوە و بەشێكیتریش لە وەزارەتەكان موچەكانیان وەرگرتووە.