پۆلیسی سلێمانی: بەڵێنمان لەلایەنەكان وەرگرتووە كە هاوكارمان بن


سەركەوت ئەحمەد بەڕێوەبەری راگەیاندن و پەیوەندییەكانی بەڕێوەبەرایەتی پۆلیسی پارێزگای سلێمانی لەمیانەی ئەنجامدانی كۆنگرەیەكی رۆژنامەوانیدا، ئاماری 10 رۆژی رابردووی كار و چالاكییەكانی بەڕێوەبەرایەتییەكەیانی راگەیاند.

سەركەوت ئەحمەد وتی "لەماوەی 10 رۆژی رابردوو زیاتر لە ٣١٩ پسوڵەی ئاگاداركردنەوەی دادگاكانمان جێبەجێكرد و ١١٢ ئۆتۆمبێلی جام ڕەشمان سزادا و جامە ڕەشەكانیان لابرد".

وتیشی "بۆ بەڕێوەبردنی كارەكانی ئەو هێزە تایبەتەی دانراوە بەڵێنیان لەلایەنەكان وەرگرتووە كە هاوكاریان بن ئەو هێزانەش كە لەشەقام و شوێنە گشتیەكاندا هەن لەو ماوەیەدا توانیویانە 112 ئۆتۆمبێلی جام ڕەش سزا بدەن و جامە ڕەشەكانیان لابردوە".

سەركەوت ئەحمەد بەڕێوەبەری راگەیاندن و پەیوەندییەكانی بەڕێوەبەرایەتی پۆلیسی پارێزگای سلێمانی ئاماژەی بەوە كرد "لەو ماوەیەدا ٢٥ تۆمەتبار بەتۆمەتی دزیكردن دەستگیركراوە كە ١٣ كەسیان لە باندی دزیدا بوون و ئافرەتیان لەگەڵدا بوە و بە فێڵ پارەیان لە خەڵكی وەرگرتووە".