پاسپۆرتی سلێمانی هاووڵاتیان ئاگادار دەكاتەوە


لە ئاگادارینامەیەكدا كە وێنەیەكی بۆ (تۆڕی هەواڵی ژیان) نێردراوە، بەڕێوەبەرایەتی پاسپۆرتی سلێمانی" داوا لەو هاوڵاتیانە دەكات كە سەردانی بەڕێوەبەرایەتی پاسپۆرتیان كردووە، بەمەبەستی دەرهێنان و نوێكردنەوەی پاسپۆرت، پاسپۆرتەكانیان تەواوبووە و بە زووترین كات سەردانی پاسپۆرتی سلێمانی بكەن بۆ وەرگرتنەوەی پاسپۆرتەكانیان".

دەشڵێت" لە ئێستادا نزیكەی (7) هەزار پاسپۆرت تەواوبوون هاوڵاتیان نەهاتوون بۆ وەرگرتنەوەی".

بەڕێوەبەرایەتی پاسپۆرتی سلێمانی لەبارەی كاتی سەردانیكردنی هاوڵاتیان بۆ وەرگرتنەوەی پاسپۆرتەكانیان، رونیكردۆتەوە" دەوامی ڕۆژانە لە كاتژمێر (8)ی بەیانی تاكو (2)ی پاشنیوەڕۆیە، وە ڕۆژانی پێنج شەممە تا كاتژمێر (1)ی پاشنیوەڕۆیە".