سەرۆكی لیۆن رەخنە لە ناوبژیوانەكانی شەوی رابردوو دەگرێت


ژیان: 
سەۆكی یانەی لیۆن لە بارەی هۆكارەكانی دۆڕاندنی یاریەكەی شەوی رابردوو بە بەرشەلۆنە رەخنەی لە ناوبژیوانەكان گرت و رایگەیاند ئەوان هۆكاری گەورەبون بۆ دراندنەكەمان و سیستەمی ڤاریشی بە سەرنەكەوتوو وەسف كرد. 

جان میشێل ئۆلاس، سەرۆكی یانەی لیۆنی فەرەنسی، دوای دۆڕاندنی تیپەكەی بە یانەی بەرشەلۆنە لە لێدوانێكیدا رایگەیاند: كەمێك توشی گرفت بووین لە سەرەتادا و پێكانی گۆڵپارێزەكەش ھێندەی تر كارەكەی لێ قورستر كردین. 

ناوبراو لەو لێدوانەیدا بۆ پێگەی لیكیپی فەرەنسی وتیشی: نازانم لە بریاری ناوبژیوانەكان تێناگەم، كام لێدانی سزا، كام فاوڵ، ھیچ شتێك نەبوو، سوارێز نمایشی كرد دەبو ناوبژیوان راستەوخۆ كارتی زەردی پێبدایە، ئەی كوا تەكنەلۆژیای ڤار، پێم وانیە ئەمشەو ئەو تەكنەلۆژیایە سەركەوتو بوبێت، چونكە سزای ئێمەیدا، ئێمە بەھۆی بریارەكانی ناوبژیوانەوە دۆڕاین و ئازارمان چەشت.

ئۆلاس نەیشاردەوە كە دەبێت دان بە بەھێزی یانەی بەرشەلۆنەدا بنێن وتیشی "میسی ھەموو شتێكی كرد و ئەنجامەكەشی گۆری".